កំពង់ឆ្នាំង : “អ្នកនាំបង្គន់អនាម័យ ឬជើងឯកបង្គន់” ជាឈ្មោះហៅក្រៅដែលប្រជាពលរដ្ឋក្នុងឃុំពង្រ ស្រុករលាប្អៀរ ខេត្តកំពង់ឆ្នាំង តែងដាក់ឱ្យលោកស្រីចាន់ ធី ជារឿយៗ។ មានអាយុ៥៧ឆ្នាំ បច្ចុប្បន្នអ្នកស្រីជាសមាជិកក្រុមប្រឹក្សាឃុំពង្រ និងជាសកម្មជនដឹកនាំអនាម័យមូលដ្ឋានឆ្នើមមួយរូប នៅក្នុងឃុំពង្រទាំងមូល។
អ្នកស្រីចាន់ ធី តែងចុះចែករំលែកបទពិសោធន៍ទឹកស្អាតនិងអនាម័យដល់ប្រជាពលរដ្ឋក្នុងភូមិ និងជម្រុញឱ្យគ្រួសារទាំងអស់ក្នុងឃុំយកចិត្តទុកដាក់សាងសង់បង្គន់អនាម័យ។ នៅពេលនេះប្រជាពលរដ្ឋស្ទើរគ្រប់គ្រួសារទាំងអស់ឃុំពង្រ ស្រុករលាប្អៀរ មានបង្គន់ប្រើប្រាស់ ព្រមទាំងអនុវត្តអនាម័យល្អនៅតាមផ្ទះ។
សកម្មភាពដឹកនាំគំរូនៅក្នុងសហគមន៍របស់ម្ចាស់ជ័យលាភីពានមាសនេះ ទទួលបានការគាំទ្រថ្នាក់ដឹកនាំឃុំ ស្រុក ខេត្ត ព្រមទាំងប្រជាពលរដ្ឋក្នុងឃុំទាំងមូល។
ជើងឯកបង្គន់និងជាសមាជិកក្រុមប្រឹក្សាឃុំពង្រទទួលបន្ទុកចុះជួយកុមារនិងស្ត្រីក្នុងឃុំនេះ ទទួលបានពានមាសចំនួនពីរ និងមេដាយមាសចំនួនបីពីអង្គការ WaterSHED និងអង្គការ WaterAid ដែលអង្គការទាំងពីរនេះ ធ្វើការលើការលើកកម្ពស់បញ្ហាទឹកស្អាតនិងអនាម័យនៅកម្ពុជា។
ទស្សនាវីដេអូលម្អិតកម្មវិធីបេសកកម្មប្រចាំសប្តាហ៍ នៃស្ថានីយទូរទស្សន៍ភី.អិន.អិន.
Comments
Post a Comment