ភ្នំពេញ៖ អ្នកជំនាញព័ត៌មាន និងអ្នកជំនាញទឹកស្អាតនិងអនាម័យ បានលើកឡើងស្របគ្នាថា អ្នកសារព័ត៌មានដើរតួនាទីយ៉ាងសំខាន់ក្នុងការរាយការណ៍ ឬបង្កើតខ្លឹមសារព័ត៌មានពាក់ព័ន្ធបញ្ហាទឹកនិងអនាម័យ ផ្សព្វផ្សាយទៅកាន់ប្រជាជនកម្ពុជា។ ការលើកឡើងនេះ នៅក្នុងវេទិកាពិភាក្សារបស់បណ្តាញអ្នកសារព័ត៌មានទឹកស្អាតនិងអនាម័យកម្ពុជា កាលពីថ្ងៃសុក្រ ទី០៧ ខែកុម្ភៈ ឆ្នាំ២០២០ នៅសណ្ឋាគាភ្នំពេញអឺរ៉ា រាជធានីភ្នំពេញ។
លោក ប៉ែន បូណា ប្រធានក្លឹបអ្នកកាសែតកម្ពុជា និងជានិពន្ធនាយកព័ត៌មាននៃទូរទស្សន៍ភី.អិន.អិន មានប្រសាសន៍ថា សារព័ត៌មានកំពុងដើរតួនាទីយ៉ាងសំខាន់ចូលរួមចំណែកលើកកម្ពស់បញ្ហាទឹកស្អាត និងអនាម័យនៅកម្ពុជា។ លោកបានបន្តទៀតថា ការលើកយកប្រធានបទទឹកនិងអនាម័យមករាយការណ៍ ឬអ្នកសារព័ត៌មានបង្កើតខ្លឹមសារព័ត៌មានពាក់ព័ន្ធនឹងបញ្ហាទាំងនេះឱ្យបានញឹកញាប់ នោះប្រជាពលរដ្ឋនឹងផ្លាស់ប្តូរឥរិយាបថ គិតគួរដល់ទឹកនិងប្រភពទឹកកំពុងប្រើប្រាស់ សាងសង់បង្គន់អនាម័យ និងអនុវត្តន៍ទម្លាប់រក្សាអនាម័យបានល្អក្នុងការរស់នៅប្រចាំថ្ងៃ។
“ខ្ញុំយល់ថានេះជាចំណុចចាប់ផ្តើមល្អមួយ ដែលមានក្រុមអ្នកសារព័ត៌មានទឹកស្អាត និងអនាម័យ ព្រោះថាការរាយការណ៍ព័ត៌មានទឹកនិងអនាម័យនេះ មិនត្រឹមតែជួយដល់សុខភាពប្រជាពលរដ្ឋនោះទេ ថែមទាំងជួយដល់វិស័យផ្សេងៗជាច្រើនទៀត រាប់ទាំងការងារបរិស្ថាន និងវិស័យទេសចរណ៍ជាដើម...” លោក ប៉ែន បូណា ប្រធានក្លឹបអ្នកកាសែតកម្ពុជា។
សំណួរពិភាក្សាថាតើអ្នកសារព័ត៌មានដើរតួនាទីសំខាន់យ៉ាងដូចម្តេចក្នុងការរាយការណ៍ព័ត៌មានទឹកស្អាត និងអនាម័យ លោក ខុន លីដូ អនុប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទមានប្រសាសន៍ថា អ្នកសារព័ត៌មានមានសំឡេង អាចផ្តល់សារអប់រំសុខភាពដល់ប្រជាពលរដ្ឋតាមរយៈព័ត៌មាន ផ្តល់ព័ត៌មានទឹកស្អាតនិងអនាម័យបានត្រឹមត្រូវដល់ប្រជាពលរដ្ឋនិងអ្នកពាក់ព័ន្ធ ពិសេសប្រជាពលរដ្ឋដែលរស់នៅទីជនបទ។
លោកបានបន្ថែមថា “បច្ចុប្បន្នខ្ញុំឃើញមានសារព័ត៌មានជាច្រើន បានរាយការណ៍ពីបញ្ហាទឹកស្អាត និងអនាម័យ ប៉ុន្តែព័ត៌មានទាំងនោះមិនទាន់គ្រប់គ្រាន់ និងផ្សព្វផ្សាយទូលំទូលាយឡើយទេ។ ប្រសិនបើអ្នកសារព័ត៌មានផលិតព័ត៌មានឱ្យបានញឹកញាប់ផ្សាយទៅកាន់ប្រជាពលរដ្ឋ នោះការចូលរួមដោះស្រាយបញ្ហាទឹកស្អាត អនាម័យ និងសុខភាពសាធារណៈ នឹងកាន់តែលឿនរហ័ស ប្រសើរមួយកម្រិតទៀត”។
មានប្រសាសន៍ក្នុងកិច្ចពិភាក្សាជាមួយអ្នកសារព័ត៌មានទឹកស្អាតនិងអនាម័យកម្ពុជា មកពីប្រព័ន្ធផ្សព្វផ្សាយចម្រុះ មានកាសែត វិទ្យុ ទូរទស្សន៍ និងគេហទំព័រព័ត៌មាន ចំនួន ២២នាក់ លោក ថី ច័ន្ទោ អនុប្រធានការិយាល័យអប់រំសុខភាពសហគមន៍ នៃក្រសួងអភិវឌ្ឍន៍ជនបទ ក៏បានលើកឡើងដែរថា បញ្ហាទឹកស្អាតនិងអនាម័យនៅកម្ពុជា មានប្រធានជាច្រើនដែលអ្នកសារព័ត៌មានអាចផលិតព័ត៌មានបាន។ ប៉ុន្តែវិធីសាស្ត្រផលិតព័ត៌មានឲ្យមានភាពទាក់ទាញ ឬមានប្រយោជន៍សំខាន់សម្រាប់ប្រជាពលរដ្ឋ អាស្រ័យទៅលើសមត្ថភាពនិងគំនិតច្នៃប្រឌិតរបស់អ្នកសារព័ត៌មាន ធ្វើយ៉ាងណាទៅតាមវិជ្ជាជីវៈសារព័ត៌មាន។
សម្រាប់លោក ជឹម ចរណៃ ទីប្រឹក្សាបច្ចេកទេសនៃក្រុមប្រឹក្សាសហប្រតិបត្តិការទឹកស្អាតនិងអនាម័យ (WSSCC) នៅកម្ពុជា មានប្រសាសន៍ថា ការងារដោះស្រាយបញ្ហាទឹកនិងអនាម័យនៅកម្ពុជា មិនមែនជាភារកិច្ចដាច់ខាតរបស់អ្នកសារព័ត៌មាននោះទេ ទាមទារឱ្យមានការចូលរួមដោះស្រាយនិងពិភាក្សាពីគ្រប់ភាគីពាក់ព័ន្ធ ក្នុងនោះរាប់ទាំងមន្ត្រីជំនាញនៅក្រសួងអភិវឌ្ឍន៍ជនបទ ថ្នាក់ដឹកនាំភូមិ ឃុំ ស្រុក និងខេត្តនីមួយៗ។
លោក ជឹម ចរណៃ ទីប្រឹក្សាបច្ចេកទេសនៃក្រុមប្រឹក្សាសហប្រតិបត្តិការទឹកស្អាតនិងអនាម័យ “ជាយោបល់ខ្ញុំ មិនមែនផលិតព័ត៌មានឬរាយការណ៍ព័ត៌មានមួយមុខហ្នឹងគ្រប់គ្រាន់នោះទេ ពេលខ្លះអ្នកសារព័ត៌មាន ឬស្ថាប័នព័ត៌មាន ឬទូរទស្សន៍អាចអញ្ជើញមន្ត្រីទទួល បន្ទុកដោះស្រាយបញ្ហាហ្នឹង (ទឹកស្អាតនិងអនាម័យ) ឬថ្នាក់ដឹកនាំខេត្តមកជជែកតែម្តង ដើម្បីឱ្យគាត់ដឹង... ប្រសិនបើពួកគាត់មិនបានដឹងរឿងហ្នឹង អត់មានអ្វីឆ្លើយ ពេលទៅវិញគាត់ប្រាកដជាយកចិត្តទុកដាក់គាត់ដោះស្រាយហើយ”។
សូមជម្រាបថា វេទិកាពិភាក្សារបស់បណ្តាញអ្នកសារព័ត៌មានទឹកស្អាតនិងអនាម័យកម្ពុជា (WASH Journalist) នៅពេលនេះ រៀបចំឡើងក្នុងគោលបំណងចែករំលែកបទពិសោធន៍និងគន្លឹះផលិតព័ត៌មានទឹកស្អាតនិងអនាម័យពីអ្នកសារព័ត៌មាន និងមន្ត្រីជំនាញធ្វើការងារលើបញ្ហាទឹកស្អាតនិងអនាម័យ ជម្រុញឱ្យមានការរាយការណ៍ព័ត៌មានទឹកស្អាតនិងអនាម័យកាន់តែទូលំទូលាយនៅកម្ពុជា។
បណ្តាញអ្នកសារព័ត៌មានទឹកស្អាត និងអនាម័យកម្ពុជា ត្រូវបានបង្កើតឡើងនៅក្នុងឆ្នាំ២០១៧ ក្រោយពីបានបញ្ចប់វគ្គបណ្តុះបណ្តាលមួយដែលរៀបចំដោយតេប៉ាតឺម៉ងប្រព័ន្ធផ្សព្វផ្សាយនិងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ។ កម្មវិធីបណ្តុះបណ្តាលអ្នកសារព័ត៌មាននេះ គាំទ្រដោយអង្គការវ័តធឺអេដ (WaterAid Cambodia) និងក្រុមប្រឹក្សាសហប្រតិបត្តិការទឹកស្អាត និងអនាម័យ (WSSCC)។
បច្ចុប្បន្នបណ្តាញអ្នកសារព័ត៌មានទឹកស្អាត និងអនាម័យកម្ពុជា មានសមាជិកសរុបចំនួន ៣០នាក់ មាននៅរាជធានីភ្នំពេញ, ខេត្តកំពង់ចាម, កំពត, ព្រៃវែង, កំពង់ស្ពឺ, និងខេត្តកំពង់ឆ្នាំង។ បណ្តាញអ្នកសារព័ត៌មាននេះ ប្រមូលចងក្រងអ្នកសារព័ត៌មានមកពីគ្រប់ស្ថាប័នព័ត៌មាន ទាំងកាសែត, វិទ្យុ, អនឡាញ, និងទូរទស្សន៍ រួមគ្នាបង្កើតខ្លឹមសារព័ត៌មានទឹកនិងអនាម័យនៅក្នុងប្រទេសកម្ពុជា ដើម្បីផ្សព្វផ្សាយក្នុងស្ថាប័នព័ត៌មានរៀងៗខ្លួន។
លោក ប៉ែន បូណា ប្រធានក្លឹបអ្នកកាសែតកម្ពុជា និងជានិពន្ធនាយកព័ត៌មាននៃទូរទស្សន៍ភី.អិន.អិន មានប្រសាសន៍ថា សារព័ត៌មានកំពុងដើរតួនាទីយ៉ាងសំខាន់ចូលរួមចំណែកលើកកម្ពស់បញ្ហាទឹកស្អាត និងអនាម័យនៅកម្ពុជា។ លោកបានបន្តទៀតថា ការលើកយកប្រធានបទទឹកនិងអនាម័យមករាយការណ៍ ឬអ្នកសារព័ត៌មានបង្កើតខ្លឹមសារព័ត៌មានពាក់ព័ន្ធនឹងបញ្ហាទាំងនេះឱ្យបានញឹកញាប់ នោះប្រជាពលរដ្ឋនឹងផ្លាស់ប្តូរឥរិយាបថ គិតគួរដល់ទឹកនិងប្រភពទឹកកំពុងប្រើប្រាស់ សាងសង់បង្គន់អនាម័យ និងអនុវត្តន៍ទម្លាប់រក្សាអនាម័យបានល្អក្នុងការរស់នៅប្រចាំថ្ងៃ។
“ខ្ញុំយល់ថានេះជាចំណុចចាប់ផ្តើមល្អមួយ ដែលមានក្រុមអ្នកសារព័ត៌មានទឹកស្អាត និងអនាម័យ ព្រោះថាការរាយការណ៍ព័ត៌មានទឹកនិងអនាម័យនេះ មិនត្រឹមតែជួយដល់សុខភាពប្រជាពលរដ្ឋនោះទេ ថែមទាំងជួយដល់វិស័យផ្សេងៗជាច្រើនទៀត រាប់ទាំងការងារបរិស្ថាន និងវិស័យទេសចរណ៍ជាដើម...” លោក ប៉ែន បូណា ប្រធានក្លឹបអ្នកកាសែតកម្ពុជា។
“ខ្ញុំយល់ថានេះជាចំណុចចាប់ផ្តើមល្អមួយ ដែលមានក្រុមអ្នកសារព័ត៌មានទឹកស្អាត និងអនាម័យ ព្រោះថាការរាយការណ៍ព័ត៌មានទឹកនិងអនាម័យនេះ មិនត្រឹមតែជួយដល់សុខភាពប្រជាពលរដ្ឋនោះទេ ថែមទាំងជួយដល់វិស័យផ្សេងៗជាច្រើនទៀត រាប់ទាំងការងារបរិស្ថាន និងវិស័យទេសចរណ៍ជាដើម...” លោក ប៉ែន បូណា ប្រធានក្លឹបអ្នកកាសែតកម្ពុជា។
សំណួរពិភាក្សាថាតើអ្នកសារព័ត៌មានដើរតួនាទីសំខាន់យ៉ាងដូចម្តេចក្នុងការរាយការណ៍ព័ត៌មានទឹកស្អាត និងអនាម័យ លោក ខុន លីដូ អនុប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទមានប្រសាសន៍ថា អ្នកសារព័ត៌មានមានសំឡេង អាចផ្តល់សារអប់រំសុខភាពដល់ប្រជាពលរដ្ឋតាមរយៈព័ត៌មាន ផ្តល់ព័ត៌មានទឹកស្អាតនិងអនាម័យបានត្រឹមត្រូវដល់ប្រជាពលរដ្ឋនិងអ្នកពាក់ព័ន្ធ ពិសេសប្រជាពលរដ្ឋដែលរស់នៅទីជនបទ។
លោកបានបន្ថែមថា “បច្ចុប្បន្នខ្ញុំឃើញមានសារព័ត៌មានជាច្រើន បានរាយការណ៍ពីបញ្ហាទឹកស្អាត និងអនាម័យ ប៉ុន្តែព័ត៌មានទាំងនោះមិនទាន់គ្រប់គ្រាន់ និងផ្សព្វផ្សាយទូលំទូលាយឡើយទេ។ ប្រសិនបើអ្នកសារព័ត៌មានផលិតព័ត៌មានឱ្យបានញឹកញាប់ផ្សាយទៅកាន់ប្រជាពលរដ្ឋ នោះការចូលរួមដោះស្រាយបញ្ហាទឹកស្អាត អនាម័យ និងសុខភាពសាធារណៈ នឹងកាន់តែលឿនរហ័ស ប្រសើរមួយកម្រិតទៀត”។
មានប្រសាសន៍ក្នុងកិច្ចពិភាក្សាជាមួយអ្នកសារព័ត៌មានទឹកស្អាតនិងអនាម័យកម្ពុជា មកពីប្រព័ន្ធផ្សព្វផ្សាយចម្រុះ មានកាសែត វិទ្យុ ទូរទស្សន៍ និងគេហទំព័រព័ត៌មាន ចំនួន ២២នាក់ លោក ថី ច័ន្ទោ អនុប្រធានការិយាល័យអប់រំសុខភាពសហគមន៍ នៃក្រសួងអភិវឌ្ឍន៍ជនបទ ក៏បានលើកឡើងដែរថា បញ្ហាទឹកស្អាតនិងអនាម័យនៅកម្ពុជា មានប្រធានជាច្រើនដែលអ្នកសារព័ត៌មានអាចផលិតព័ត៌មានបាន។ ប៉ុន្តែវិធីសាស្ត្រផលិតព័ត៌មានឲ្យមានភាពទាក់ទាញ ឬមានប្រយោជន៍សំខាន់សម្រាប់ប្រជាពលរដ្ឋ អាស្រ័យទៅលើសមត្ថភាពនិងគំនិតច្នៃប្រឌិតរបស់អ្នកសារព័ត៌មាន ធ្វើយ៉ាងណាទៅតាមវិជ្ជាជីវៈសារព័ត៌មាន។
សម្រាប់លោក ជឹម ចរណៃ ទីប្រឹក្សាបច្ចេកទេសនៃក្រុមប្រឹក្សាសហប្រតិបត្តិការទឹកស្អាតនិងអនាម័យ (WSSCC) នៅកម្ពុជា មានប្រសាសន៍ថា ការងារដោះស្រាយបញ្ហាទឹកនិងអនាម័យនៅកម្ពុជា មិនមែនជាភារកិច្ចដាច់ខាតរបស់អ្នកសារព័ត៌មាននោះទេ ទាមទារឱ្យមានការចូលរួមដោះស្រាយនិងពិភាក្សាពីគ្រប់ភាគីពាក់ព័ន្ធ ក្នុងនោះរាប់ទាំងមន្ត្រីជំនាញនៅក្រសួងអភិវឌ្ឍន៍ជនបទ ថ្នាក់ដឹកនាំភូមិ ឃុំ ស្រុក និងខេត្តនីមួយៗ។
លោក ជឹម ចរណៃ ទីប្រឹក្សាបច្ចេកទេសនៃក្រុមប្រឹក្សាសហប្រតិបត្តិការទឹកស្អាតនិងអនាម័យ “ជាយោបល់ខ្ញុំ មិនមែនផលិតព័ត៌មានឬរាយការណ៍ព័ត៌មានមួយមុខហ្នឹងគ្រប់គ្រាន់នោះទេ ពេលខ្លះអ្នកសារព័ត៌មាន ឬស្ថាប័នព័ត៌មាន ឬទូរទស្សន៍អាចអញ្ជើញមន្ត្រីទទួល បន្ទុកដោះស្រាយបញ្ហាហ្នឹង (ទឹកស្អាតនិងអនាម័យ) ឬថ្នាក់ដឹកនាំខេត្តមកជជែកតែម្តង ដើម្បីឱ្យគាត់ដឹង... ប្រសិនបើពួកគាត់មិនបានដឹងរឿងហ្នឹង អត់មានអ្វីឆ្លើយ ពេលទៅវិញគាត់ប្រាកដជាយកចិត្តទុកដាក់គាត់ដោះស្រាយហើយ”។
សូមជម្រាបថា វេទិកាពិភាក្សារបស់បណ្តាញអ្នកសារព័ត៌មានទឹកស្អាតនិងអនាម័យកម្ពុជា (WASH Journalist) នៅពេលនេះ រៀបចំឡើងក្នុងគោលបំណងចែករំលែកបទពិសោធន៍និងគន្លឹះផលិតព័ត៌មានទឹកស្អាតនិងអនាម័យពីអ្នកសារព័ត៌មាន និងមន្ត្រីជំនាញធ្វើការងារលើបញ្ហាទឹកស្អាតនិងអនាម័យ ជម្រុញឱ្យមានការរាយការណ៍ព័ត៌មានទឹកស្អាតនិងអនាម័យកាន់តែទូលំទូលាយនៅកម្ពុជា។
បណ្តាញអ្នកសារព័ត៌មានទឹកស្អាត និងអនាម័យកម្ពុជា ត្រូវបានបង្កើតឡើងនៅក្នុងឆ្នាំ២០១៧ ក្រោយពីបានបញ្ចប់វគ្គបណ្តុះបណ្តាលមួយដែលរៀបចំដោយតេប៉ាតឺម៉ងប្រព័ន្ធផ្សព្វផ្សាយនិងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ។ កម្មវិធីបណ្តុះបណ្តាលអ្នកសារព័ត៌មាននេះ គាំទ្រដោយអង្គការវ័តធឺអេដ (WaterAid Cambodia) និងក្រុមប្រឹក្សាសហប្រតិបត្តិការទឹកស្អាត និងអនាម័យ (WSSCC)។
បច្ចុប្បន្នបណ្តាញអ្នកសារព័ត៌មានទឹកស្អាត និងអនាម័យកម្ពុជា មានសមាជិកសរុបចំនួន ៣០នាក់ មាននៅរាជធានីភ្នំពេញ, ខេត្តកំពង់ចាម, កំពត, ព្រៃវែង, កំពង់ស្ពឺ, និងខេត្តកំពង់ឆ្នាំង។ បណ្តាញអ្នកសារព័ត៌មាននេះ ប្រមូលចងក្រងអ្នកសារព័ត៌មានមកពីគ្រប់ស្ថាប័នព័ត៌មាន ទាំងកាសែត, វិទ្យុ, អនឡាញ, និងទូរទស្សន៍ រួមគ្នាបង្កើតខ្លឹមសារព័ត៌មានទឹកនិងអនាម័យនៅក្នុងប្រទេសកម្ពុជា ដើម្បីផ្សព្វផ្សាយក្នុងស្ថាប័នព័ត៌មានរៀងៗខ្លួន។
Comments
Post a Comment