ភ្នំពេញ - តាមរយៈការសម្របសម្រួលរបស់ក្រសួងអភិវឌ្ឍន៍ជនបទ កម្ពុជាបានទទួលអណ្ដូងស្នប់អាហ្វ្រីដេវចំនួន ១៥០០ អណ្ដូង ជាជំនួយឥតសំណងពីរដ្ឋាភិបាលនៃសាធារណរដ្ឋឥណ្ឌា កាលព្រឹកថ្ងៃចន្ទកន្លងទៅ ។ អណ្ដូងស្នប់ដែលបានសាងសង់រួចទាំងនេះ រួមមានអណ្តូងស្នប់ចំនួន ១១៩០អណ្ដូង បានសាងសង់នៅខេត្តត្បូងឃ្មុំម ស្រុកមេមត់ទទួលបាន ៦៨៩អណ្ដូង ស្រុកក្រូចឆ្មាទទួលបាន ៤៦អណ្ដូង និងស្រុកត្បូងឃ្មុំទទួលបាន ៤៥៥អណ្ដូង ។  ខេត្តបន្ទាយមានជ័យមាន ៣១០អណ្ដូង ក្នុងនោះស្រុកភ្នំស្រុកទទួលបាន ៤៦អណ្ដូង ស្រុកសិរីសោភណ្ឌទទួលបាន ១០០អណ្ដូង ស្រុកព្រះនេត្រព្រះទទួលបាន ៤៣អណ្ដូង ស្រុកមង្គលបុរីទទួលបាន ២៦អណ្ដូង ស្រុកម៉ាឡៃទទួលបាន ៦០អណ្ដូង ក្រុងប៉ោយប៉ែតទទួលបាន ១៧អណ្ដូង ស្រុកស្វាយចេកទទួលបាន ១៧អណ្ដូង និងស្រុកអូរជ្រៅទទួលបាន ០១អណ្ដូង ។ ពិធីប្រគល់-ទទួលនេះមានការអញ្ជើញចូលរួមពីឯកឧត្ដមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ឯកឧត្តមបណ្ឌិត Rajkumar Rajan Singh រដ្ឋមន្រ្តីក្រសួងការបរទេសនៃសាធារណរដ្ឋឥណ្ឌា លោកជំទាវ Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅប្រទេសកម្ពុជា និងមន្ត្រីជំនាញពាក់ព័ន្ធ តាមប្រពន្ធ័អនឡាញ (ZOOM) ។

លោក មាស ហឿ កំពុងច្នៃកៅអីធ្វើពីធាងទ្រាំង នៅស្រុកឆែប ខេត្តព្រះវិហារ។ នេះជាកៅអីអង្គុយថ្មីមួយដែលច្នៃឡើងដោយអ្នកផលិតសម្ភារៈប្រើប្រាស់ពីដើមទ្រាំង រួមមានចង្កឹះ វែក ស្លាបព្រា ឈើច្រតជាដើម។ លោក មាស ហឿ អ្នកកែច្នៃផលិតផលទ្រាំងស្រុកឆែប ខេត្តព្រះវិហារ។ ប្រជាសហគមន៍នេះ តែ​ចូលព្រៃ និងរកអនុផលព្រៃឈើដើម្បីទ្រទ្រង់ជីវភាពរស់នៅប្រចាំថ្ងៃ។  រូបភាពដកស្រង់ពី ៖ ក្រុមកែច្នៃផលិតផលពីដើមទ្រាំងស្រុកឆែប ខេត្តព្រះវិហារ។

សមាសភាពក្រុមការងាររាជរដ្ឋាភិបាលចុះមូលដ្ឋាននៅស្រុករំដួល ខេត្តស្វាយរៀង ទទួលបន្ទុកតាមឃុំទាំង១០ និងក្រុមលេខាធិការដ្ឋាន ត្រូវបានប្រកាសទទួលស្គាល់ជាផ្លូវការនៅព្រឹកថ្ងៃទី២៥ ខែសីហាឆ្នាំ ២០២០នេះ។  ពីធីនេះធ្វើឡើងក្រោមអធិបតីភាពឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង និងឯកឧត្តម លី ធុជ ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករំដួល ព្រមទាំងមន្ត្រីពាក់ព័ន្ធចូលរួមសរុបចំនួន១៨៣នាក់ នៅសាលាខេត្តស្វាយរៀង។  ឯកឧត្តម លី ធុជ ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករំដួល មានប្រសាសន៍ថា ក្រុមការងារចុះមូលដ្ឋានមានតួនាទីចម្បងចំនួនបីសំខាន់ៗ រួមមាន : ទី១. ជួយលើកកម្ពស់ការផ្សារភ្ជាប់ទំនាក់ទំនង រវាងប្រជាពលរដ្ឋជាមួយរាជរដ្ឋាភិបាលតាមរយៈសកម្មភាពរបស់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់ ក្នុងការជួបប្រាស្រ័យផ្ទាល់ជាមួយប្រជាពលរដ្ឋ គ្រប់មជ្ឈដ្ឋាន។ ការបង្កើនទំនាក់ទំនងនេះ ដើម្បីស្វែងយល់ ស្តាប់កង្វល់ សំណើ សំណូមពរប្រជាពលរដ្ឋនៅតាមមូលដ្ឋាន។ ទី២. ក្រុមការងាររាជរដ្ឋាភិបាលចុះមូលដ្ឋានស្រ

នៅព្រឹកមួយខ្ញុំបាទ ម៉ៅ សំណាង បានជួបលោក ចាន់ សារិន នាយកប្រតិបត្តិអង្គការជំនួយនៃក្តីសង្ឃឹមសម្រាប់សហគមន៍ ដែលគាត់កំពុងជួយដល់កុមារមានបញ្ហាអូទីស្សឹម តាមរយៈផ្តល់ការអប់រំដល់កុមារនៅសាលារៀនមួយស្ថិតនៅក្រុងតាខ្មៅ ខេត្តកណ្តាល។  ជជែកគ្នាបណ្តើរ មើលទៅកុមារកុំរត់លេងបណ្តើរ លោក ចាន់ សារិន បានឱ្យដឹងថា មានសញ្ញាសង្ស័យចំនួនបីដែលអាចសង្កេតនិងសម្គាល់បានថា កុមារនឹងអាចមានបញ្ហាអូទីស្សឹម គឺទី១ របៀបទំនាក់ទំនងសង្គមរបស់កុមារ គឺកុមារហាក់បីដូចជាឃ្លាតឆ្ងាយពីម្តាយឪពុក មិនចូលចិត្តមើលមុខចំ និងមិនខ្វល់ខ្វាយពីអ្វីដែលនៅជុំវិញខ្លួន។  ទី២ កុមារខ្សត់ភាសា ចូលចិត្តស្ងៀមស្ងាត់មិនសូវនិយាយស្តី (ក្នុងចំណោមកុមារមានបញ្ហាអូទីស្សឹម ១០០នាក់ មាន២៥% គឺមិននិយាយស្តី ឬខ្លះទៀយពេលនិយាយមិនមានគោលដៅច្បាស់លាស់ ប្រយោគដាច់ៗ មិនអាចយល់បាន ឬកុមារខ្លះនិយាយដដែលៗ)។  ទី៣ អាកប្បកិរិយាកុមារ មានចរឹកឆេវឆាវ ឆាប់ខឹងឆាប់បាត់ ពេលខ្លះមិនមានប្រតិកម្មនឹងកម្តៅ (មិនដឹងក្តៅ មិនដឹងត្រជាក់) កុមារមិនដឹងពីរសអាហារ ដើរចង្អើតជើង លេងអ្វីដដែលៗ និងសីតុណ្ហភាពក្នុងខ្លួនប្រែប្រួលលឿនរហ័ស។ ប៉ុន្តែលក្ខណៈដែលអាចសម្គាល់បានថា កុមារមានបញ្ហាអូទីស្សឹមពិតប្រាកដ គឺត្រូវឆ្លងកាត់អ្នកជំនាញវាយតម្លៃស្ថា

ឯកឧត្តម Pablo Kang ឯកអគ្គរដ្ឋទូតអូស្ត្រាលីប្រចាំកម្ពុជា ជួបឯកឧត្តមរដ្ឋមន្ត្រី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅរសៀលថ្ងៃទី២៨ ខែកក្កដា ឆ្នាំ២០២០ នៅទីស្តីការក្រសួង។  ឯកឧត្តមរដ្ឋមន្ត្រីក្រសួងឧស្សាហកម្ម បានកោតសរសើរចំពោះលទ្ធផលបំពេញបេសកកម្មការទូតរបស់ ឯកឧត្តម Pablo Kang ឯកអគ្គរដ្ឋទូតអូស្ត្រាលីប្រចាំកម្ពុជា ព្រមទាំងបានជម្រុញការងារគម្រោងអភិវឌ្ឍន៍ក្នុងវិស័យហេដ្ឋារចនាសម្ព័ន្ធ និងអភិវឌ្ឍន៍លើវិស័យទឹកស្អាតនៅកម្ពុជាផលដែរ។ ជំនួបនេះ ធ្វើឡើងនៅរសៀលថ្ងៃទី២៨ ខែកក្កដា ឆ្នាំ២០២០ នៅទីស្តីការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងបំណងសម្តែងការគួរសម និងពិភាក្សាការងារ។ ទាក់ទងនឹងគម្រោងទឹកស្អាតនេះ ឯកឧត្តមរដ្ឋមន្ត្រីក្រសួងឧស្សាហកម្ម មានប្រសាសន៍ថា តាមរយៈគម្រោង3i (Investing in Infrastructure) ក្រសួងឧស្សាហកម្ម​កំពុងបន្តអនុវត្តការបណ្តាញទឹកស្អាតជូនដល់ប្រជាពលរដ្ឋដោយឥតគិតថ្លៃក្នុងតំបន់មួយចំនួន គឺជាសមិទ្ធផលគួរសាទរ។ ទន្ទឹមគ្នានេះ ឯកឧត្តមរដ្ឋមន្ត្រីក្រសួងឧស្សាហកម្ម បានបន្ថែមថា ការអនុវត្តន៍វិធីសាស្ត្រមិនយកថ្លៃប្រើប្រាស់ទឹកក្នុងតំបន់ណាមួយ មិនអាចធានានិរន្តរភាពយូរអង្