Sister of Code កម្មវិធីលើកទឹកចិត្តសិស្សនារីក្នុងវិស័យបច្ចេកវិទ្យាព័ត៌មាន

ការអប់រំ : Sister of Code គឺជាកម្មវិធីសិក្សាលើប្រព័ន្ធបច្ចេកវិទ្យាកុំព្យូទ័រមួយ លើកទឹកចិត្តសិស្សនារីនៅកម្ពុជា។ កម្មវិធីនេះ បំផុសឲ្យសិស្សនារីព្យាយាមសរសេរកូដកម្មវិធីកំុព្យូទ័រ អភិវឌ្ឍន៍សមត្ថភាពនិងទំនុកចិត្ត ដើម្បីផ្ដល់ឱកាសជោគជ័យផ្នែកឌីជីថលដល់ពួកគេនាពេលអនាគត តាមរយៈការបង្កើតផលិតផលបច្ចេកវិទ្យាថ្មីៗ បម្រើដល់អាជីវកម្មផ្ទាល់ខ្លួន និងការអភិវឌ្ឍន៍សង្គម។ នេះជាកម្មវិធីសម្រាប់ស្ត្រីដំបូងគេបង្អស់នៅកម្ពុជា។

កម្មវិធីបង្រៀនមូលដ្ឋានគ្រឹះនៃការសរសេរកូដ ដោយឥតគិតថ្លៃរយៈពេល ៦ខែនេះ បង្រៀនសិស្សនារី មានអាយុចន្លោះពី១០ឆ្នាំទៅ១៨ឆ្នាំ ។

កម្មវិធី Sister of Code ដែលគាំទ្រដោយក្រសួងអប់រំ យុវជន និងកីឡានេះ ទទួលសិស្សនារីពីគ្រប់គ្រឹៈស្ថានសិក្សារដ្ឋ និងឯកជន តាមរយៈ គម្រោង Development Innovations Cambodia (DI) របស់ទីភ្នាក់ងារជំនួយអាមេរិក។

បច្ចុប្បន្នកម្មវិធីនេះ មានបណ្តុះបណ្តាលសិស្សនារីនៅសាលារៀនជំនាន់ថ្មីរបស់ក្រសួងអប់រំ យុវជន និងកីឡា, មជ្ឈមណ្ឌល IT Academy STEP Cambodia, និងវិទ្យាល័យហ៊ុន សែន សេរីភាព នៅតាខ្មៅ ខេត្តកណ្តាល។

អត្ថបទដោយ ម៉ៅ សំណាង ព័ត៌មានលម្អិតវីដេអូកម្មវិធីបេសកកម្មប្រចាំសប្តាហ៍ ភី.អិន.អិន

Comments

តើអ្វីជាគោលដៅអភិវឌ្ឍន៍ប្រកបដោយចីរភាព (SDG) ?

គោលដៅចំនួន ១៧ ដែលត្រូវបានគេស្គាល់ថាជាគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ដោយមានគោលបំណងដើម្បីនាំទៅរកសកម្មភាពនៅក្នុងផ្នែកដ៏សំខាន់ៗ នាឆ្នាំ២០៣០។ គោលដៅទាំងនេះត្រូវបានចែកចេញជា ១៦៩ ចំណុចដៅ និង ២៣០ សូចនាករ។ គោលដៅអភិវឌ្ឍប្រកបដោយចីរភាពនេះ បង្កើតនៅក្នុងខែកញ្ញា ឆ្នាំ២០១៥ ក្នុងមហាសន្និបាតអង្គការសហប្រជាជាតិ បានអនុម័តរបៀបវារៈឆ្នាំ២០៣០ថ្មី សម្រាប់ ការអភិវឌ្ឍប្រកបដោយចីរភាព ។ គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ទាំង១៧ ចំណុច រួមមាន ៖ ពុំមានភាពក្រីក្រ, គ្រោះអត់ឃ្លានស្មើសូន្យ, សុខភាព និងសុខុមាលភាពមាំមួន, ការអប់រំប្រកបដោយគុណភាព, សមភាពយេនឌ័រ, ទឹកស្អាត និងស្អាត, ថាមពលស្អាត មានតម្លៃសមរម្យ, ការងារសម្បូរនិងកំណើនសេដ្ឋកិច្ច, ឧស្សាហកម្ម នវានុវត្តន៍ និងហេដ្ឋារចនាសម្ព័ន្ធ, កាត់បន្ថយវិសមភាព, ទីក្រុង សហគមន៍ប្រកបដោយចីរភាព, ការប្រើប្រាស់ និងការផលិតប្រកបដោយការទទួលខុសត្រូវ, សកម្មភាពបរិស្ថាន, ជីវិតក្រោមដី, ជីវិតលើដី, សន្តិភាព យុត្តិធ...

អានបន្ថែម »

ស្ត្រីក្រុមប្រឹក្សាឃុំពង្រ ម្ចាស់ពានអ្នកដឹកនាំទឹកស្អាតនិងអនាម័យគំរូ

កំពង់ឆ្នាំង : “អ្នកនាំបង្គន់អនាម័យ ឬជើងឯកបង្គន់” ជាឈ្មោះហៅក្រៅដែលប្រជាពលរដ្ឋក្នុងឃុំពង្រ ស្រុករលាប្អៀរ ខេត្តកំពង់ឆ្នាំង តែងដាក់ឱ្យលោកស្រីចាន់ ធី ជារឿយៗ។ មានអាយុ៥៧ឆ្នាំ បច្ចុប្បន្នអ្នកស្រីជាសមាជិកក្រុមប្រឹក្សាឃុំពង្រ និងជាសកម្មជនដឹកនាំអនាម័យមូលដ្ឋានឆ្នើមមួយរូប នៅក្នុងឃុំពង្រទាំងមូល។ អ្នកស្រីចាន់ ធី តែងចុះចែករំលែកបទពិសោធន៍ទឹកស្អាតនិងអនាម័យដល់ប្រជាពលរដ្ឋក្នុងភូមិ និងជម្រុញឱ្យគ្រួសារទាំងអស់ក្នុងឃុំយកចិត្តទុកដាក់សាងសង់បង្គន់អនាម័យ។ នៅពេលនេះប្រជាពលរដ្ឋស្ទើរគ្រប់គ្រួសារទាំងអស់ឃុំពង្រ ស្រុករលាប្អៀរ មានបង្គន់ប្រើប្រាស់ ព្រមទាំងអនុវត្តអនាម័យល្អនៅតាមផ្ទះ។ សកម្មភាពដឹកនាំគំរូនៅក្នុងសហគមន៍របស់ម្ចាស់ជ័យលាភីពានមាសនេះ ទទួលបានការគាំទ្រថ្នាក់ដឹកនាំឃុំ ស្រុក ខេត្ត ព្រមទាំងប្រជាពលរដ្ឋក្នុងឃុំទាំងមូល។ ជើងឯកបង្គន់និងជាសមាជិកក្រុមប្រឹក្សាឃុំពង្រទទួលបន្ទុកចុះជួយកុមារនិងស្ត្រីក្នុងឃុំនេះ ទទួលបាន...

អានបន្ថែម »

កម្ពុជាប្រើប្រាស់ថាមពលអគ្គិសនី ៤ពាន់មេហ្គាវ៉ាត់ក្នុងឆ្នាំ២០២០

តាមការព្យាកររបស់អាជ្ញាធរអគ្គិសនីកម្ពុជាបានបង្ហាញថា ក្នុងឆ្នាំ២០២០ កម្ពុជាត្រូវការថាមពលអគ្គិសនី ៤ពាន់មេហ្គាវ៉ាត់ដើម្បីផ្គត់ផ្គង់ទូទាំងប្រទេស ខណៈការផលិតថាមពលក្នុងស្រុកបានចំនួន ២៩៦៥ម៉េហ្គាវ៉ាត់ និងនាំចូលពីប្រទេសជិតខាងប្រមាណ ១ពាន់មេហ្គាវ៉ាត់បន្ថែម។ ធនាគារអភិវឌ្ឍន៍អាស៊ីបានព្យាករថា តម្រូវការអគ្គិសនីកម្រិតខ្ពស់បំផុតរបស់ប្រទេសកម្ពុជា នឹងកើនឡើងទ្វេដង ដល់ទៅ២,៤០១ មេហ្គាវ៉ាត់នៅរវាងឆ្នាំ២០១៥ និងឆ្នាំ២០២៥។ តម្រូវការថាមពលអគ្គិសនីនេះ អាជ្ញាធរអគ្គិសនីកម្ពុជា បានឱ្យដឹងបន្ថែមថា នៅឆ្នាំ២០២១ កម្ពុជាត្រូវការថាមពលនាំចូលបន្ថែមប្រមាណ ២៥ភាគរយនៃថាមពលប្រើប្រាស់សរុបប្រចាំ។ ឧបសគ្គរាំងស្ទះក្នុងការផលិតថាមពលប្រើប្រាស់នៅកម្ពុជា បណ្ដាលមកពីកត្តាបម្រែប្រួលអាកាសធាតុ។ បញ្ហាអាកាសធាតុក្តៅនិងការខ្វះទឹក គឺជាដើមចមធ្វើឲ្យការផ្គត់ផ្គង់អគ្គិសនីមិនអាចបំពេញតម្រូវការអ្នកប្រើប្រាស់គ្រប់គ្រាន់។ បញ្ហានេះបានកើនឡើងយ៉ាងគំហុកចាប់ពីឆ្នាំ២០១៩។ ត្រង់ចំណុចអគ្គីសនីកម្ពុជាពន្យល់ថា "ខ្វះទឹកធ្វើឲ្យសមត្ថភាពផ្គត់ផ្គង់អគ្គិសនីដែលចេញពីរោងចក្រវារីអគ្គិសនីថយចុះ ដោយមិនអាចធានាក...

អានបន្ថែម »

Search This Blog